Fréttaveita Borgunar

Yfirstandandi svikatilraunir í nafni Borgunar28.03.2021

Borgun/SaltPay hefur varað við yfirstandandi svikatilraunum í nafni Borgunar. Einhverjir hafa lent í því að fá sms-skilaboð í nafni Borgunar, en um er að ræða falska SMS-tilkynningu um að viðkomandi hafi greitt sama reikning tvisvar og þurfi að gefa upp kortanúmer til að fá endurgreitt.

Tekið er fram að Borgun/SaltPay biður aldrei um kortanúmer að fyrra bragði, hvorki í gegnum síma, né tölvupósti.

„Einstaklingum sé ráðlagt að opna skilaboðin og tölvupóstana ekki, smella alls ekki á hlekkinn sem fylgi með og allra síst gefa upp kortaupplýsingar. Best sé að eyða skilaboðunum strax.

Hafi fólk brugðist við skilaboðunum er mælt með því að umsvifalaust samband við þjónustuver Borgunar/SaltPay í síma 560 1600. Tekið skal skýrt fram að Borgun hetur ekki orðið fyrir tölvuárás heldur er um að ræða svikatilraun þar sem nafn og merki fyrirtæksins er notað í blekkingarskyni.

Þá hefur málið verið tilkynnt lögregluyfirvöldum, netöryggissveit Póst- og fjarskiptastofnunar og helstu þátttakendum í öryggissamstarfi fjármálastofnana um áðurnefndar tilraunir til svika.

FÁ TILBOÐ Í VIÐSKIPTI

Þessi vefsíða styðst við vafrakökur

SaltPay notar vefkökur m.a. til að greina umferð um vefinn og til að bæta upplifun notanda á síðunni. Nánari upplýsingar um vefkökunotkun