Ertu ekki viss hvaða posi hentar þér?
Allir posarnir okkar eru vottaðir skv. PA DSS staði kortafélaganna, öruggir og einfaldir í notkun. Hér eru nokkur atriði til að hafa í huga þegar þú velur posa:
- Viltu geta tekið á móti snertilausum greiðslum? Borgun býður úrval posa með þann möguleika.
- Ef þú þarft aðeins að taka við greiðslum í erlendri mynt en ekki íslenskum krónum þá hentar myntval þér.
- Ef þú notar posa fyrst og fremst til að taka á móti símgreiðslum þá mælum við með Vefposa sem er aðgengilegur á Þjónustuvefnum.
- Þarftu að leigja posa til skemmri tíma? Þessi kostur er í boði fyrir alla posa en alltaf þarf að ganga frá þjónustusamningi.
Til að fá posa fyrir fyrirtækið er nóg að skrifa undir þjónustusamning við Borgun. Sækja um þjónustusamning
PA DSS er skammtstöfun á Payment Application Data Security Standard
Svona virkar ferlið:
Fyrsta sem þarf að gera er að finna posa við hæfi og fylla út umsókn um posa. Þú getur skoðað úrvalið okkar neðar á síðunni. Ef þú ert þegar með posa og vantar fleiri getur þú sótt um auka posa.
Við sjáum um að setja posann upp fyrir þig og þú getur sótt hann til okkar eða fengið hann sendan 2-3 dögum eftir að umsókn berst.
Posi er tilbúinn til notkunar um leið og þú kveikir á honum og hann tengist neti.
Snertilausar greiðslur
Sífellt fleiri kort með snertilausri virkni eru í umferð. Fyrir fyrirtæki sem selja vörur fyrir lágar upphæðir er gott að geta tekið á móti slíkum kortum, það sparar afgreiðslutíma og er þægilegt fyrir viðskiptavininn.
Býður þú vöru eða þjónustu í erlendri mynt?
Með Myntvali getur þú boðið erlendum viðskiptavinum að greiða fyrir vöru eða þjónustu í eigin gjaldmiðli. Posinn skynjar hvort kortið er erlent og býður þá korthafa val um að greiða í eigin gjaldmiðli eða íslenskum krónum
Korthafinn losnar við gengisáhættu vegna viðskiptanna og getur eftir sem áður nýtt sér Tax Free.
Lægri þjónustugjöld vegna kreditkorta
Betri þjónusta við erlenda ferðamenn
Uppgjörsmynt fyrirtækis breytist ekki
Betri yfirsýn yfir erlenda veltu
Ekki er þörf á sérstökum posa og búnaðurinn er settur upp þér að kostnaðarlausu. Korthafi losnar við gengisáhættu en greiðir þóknun fyrir færsluna.
Vefposi
Vefposi er ódýr og þægileg lausn fyrir þá sem vilja taka á móti símgreiðslum. Hann hentar vel fyrir gistiheimili, hótel og aðra ferðaþjónustuaðila. Vefposi Borgunar er aðgengilegur á Þjónustuvefnum og er mjög einfaldur í notkun.
Tekur á móti kredit- og Maestro debetkortum útgefin eftir 2011
Auðvelt aðgengi að öllum færslum og hreyfingum
Hægt að gera upp posann í erlendri mynt
| Vefposi | án vsk | með vsk |
|---|---|---|
| Stofngjald | 4.990 kr. |
6.188 kr. |
| Mánaðargjald | 1.990 kr. |
2.468 kr. |
Örugg kortaviðskipti
Fyrirtæki sem meðhöndla kortaupplýsingar þurfa að uppfylla staðal alþjóðlegu kortafélaganna sem nefnist PCI DSS.
Lykilatriði við innleiðingu PCI DSS er annars vegar að geyma ekki greiðslukortaupplýsingar nema brýn þörf sé á því og hins vegar að vernda þær upplýsingar sem þörf er á að geyma. Borgun býður upp á lausnir sem aðstoða fyrirtæki við að uppfylla kröfur PCI DSS staðalsins.
Mismunandi kröfur gilda um fyrirtæki eftir því í hvaða PCI DSS flokki þau eru, en flokkurinn byggir m.a. á magni og eðli viðskipta.
Ávinningur fyrirtækis að innleiða PCI DSS öryggisstaðalinn er m.a.:
Verndun kortaupplýsinga
Traust viðskiptavina
Minnkar áhættu á misnotkun
PCI DSS er skammstöfun á Payment Card Industry Data Security Standard
