Posaleiga

Borgun býður upp á posa til leigu á góðum kjörum. Hægt er að fá hefðbundna símalínuposa, ISDN posa, GSM posa og IP (ADSL) posa. Einnig bjóðum við upp á örgjörvalesara (EMV) þar sem slegið er inn PIN númer í stað undirskriftar.

Ítarleg íslensk notendahandbók fylgir öllum posunum og á lyklaborðinu eru notkunarleiðbeiningar.

Afgreiðslutími miðast við tvo sólarhringa.

Uppsetning og viðhald

Borgun sér um uppsetningu og viðhald á búnaði. Frí uppsetning er í boði á höfuðborgarsvæðinu og seljendur á landsbyggðinni fá posa senda án endurgjalds.

Hvaða posategund hentar þínum rekstri?

Símalínu posi

Tengist við símalínu eða innanhússímstöðvar sem hægt er að samnýta með símtæki eða faxtæki.

ISDN posi

Tengist við ISDN-línu. B-rás (2 tæki á sömu línu) D-rás (8 tæki á sömu línu). Háhraðasamband.

GSM posi

Færanlegur og handhægur posi sem þar hvorki að tengja við símalínu né rafmagn. Hægt er að hlaða posann og kemur hann með GSM korti. Helgarleiga, mánaðarleiga eða langtímaleiga.

IP posi og EMV örgjörvalesari

Með IP posanum fylgir EMV örgjörvalesari. Posinn les allar tegundir greiðslukorta sem notaðar eru á Íslandi. Í EMV örgjörvalesarann er slegið inn PIN númer í stað undirskriftar.

Evru posi

Posi fyrir erlend MasterCard, VISA og American Express kort og erlend debetkort. Hentar seljendum sem gefa upp verð í evrum og eru með erlenda viðskiptavini. Seljandi slær inn upphæð í evrum í posann og korthafinn er rukkaður um nákvæmlega sömu upphæð án gengisáhættu. Uppgjör við seljanda geta síðan ýmist verið í evrum eða íslenskum krónum.

Þjónustugjöld eru þau sömu og ef færslur væru í íslenskum krónum. Fyrir hvert uppgjör í evrum er rukkað SWIFT gjald að upphæð 6 evrur.

Hægt er að fá Evru posa sem símalínu posa, IP posa og GSM posa sem geta tekið evrur. Athugið að posinn verður stilltur til að taka einungis evrur og er ekki hægt að nota hann til að senda færslur í íslenskum krónum. Flest fyrirtæki þyrftu að hafa tvo posa, einn fyrir íslenskar krónur og annan fyrir evrur.

Auk evruposa fyrir MasterCard , VISA og American Express kort getur Borgun boðið upp á dollaraposa fyrir VISA og MasterCard. Við munum síðar bjóða upp á posa í fleiri myntum.

Borgun getur boðið upp á seljendasamninga í fleiri myntum sem hægt er að nota t.d. fyrir Vefgreiðslur og símgreiðslur. Einnig fæst DCC þjónusta í flestar gerðir posa.

Við vekjum athygli á því að notkun íslenskra korta í þessum posum er óheimil samkvæmt ákvörðun Seðlabanka Íslands.